ArmenianRussian

Պատմություն

 

 

photo

   1937-1941թ.թ. Բոյաջյան Հրայր Սերգեյևիչ ՀԽՍՀ  վաստակավոր մանկավարժ 

մաթեմատիկայի ուսուցիչ


 Դպրոցի առաջին  տնօրենն էր Հրանտ Սերգեյի Բոյաջյանը, որն իր ղեկավարման 4 տարիների ընթացքում հիմք դրեց դպրոցի լավագույն ավանդույթներին, որոնք պահպանվել են մինչ օրս:  Այդ տարիներին դպրոցը տվեց իր առաջին շրջանավարտները, որոնք հետագայում իրենց պատվավոր տեղը գրավեցին Հայաստանի քաղաքական, գիտական և մշակութային կյանքում:

   

19411958թ.թ.Ղազարյան Մարգարիտա Բոգդանովա

ՀԽՍՀ  վաստակավոր մանկավարժ


Մարգարիտա  Բոգդանովնա  Ղազարյանի ղեկավարման 17 տարիները  ամենադժվարն էին: Նա իր կանացի փխրուն ուսերին վերցրեց պատերազմյան  դժվարին և պատասխանատու տարիների ընթացքում դպրոցի ոչ միայն գոյատևման,  այլև ռազմաճակատի համար կադրերի պատրաստման գործը:Մարգարիտա Բոգդանովնային հիշում են որպես չափազանց խիստ, սակայն շատ սիրելի տնօրենուհի:Ասում են, որ նա գիտեր դպրոցի բոլոր աշակերտների անուն ազգանունները և ամեն առավոտ անձամբ ողջունում նրանց:

1958-1962թ.թ.Բաղդասարյան Բորիս Աբրամովիչ
ՀԽՍՀ  վաստակավոր մանկավարժ 


  1958թ.դպրոցի ղեկավարումը ստանձնում է սպորտի և մշակույթի մեծ սիրահար, ՀԽՍՀ վաստակավոր մանկավարժ Բորիս Աբրամովիչ Բաղդասարյանը: Այդ տարիներին դպրոցում ստեղծվում են թատերական,երաժշտական,սպորտի և այլ ստուդիաներ և խմբակներ, որոնց սաները դառնում էին քաղաքային և հանրապետական մրցույթների հաղթողներ: Առանձնահատուկ մեծ բարձունքների էր հասել դպրոցի բասկետբոլի հավաքականը: 1962թ.Բորիս Աբրամովիչը նշանակվեց ՀԽՍՀ Լուսավորության փոխնախարար:

 1962-1966թ.թ. Արփիկ Ղազարյան Նիկոլաևնա

 ռուսաց լեզվի եւ գրականության ուսուցիչ


 1962թ. դպրոցի տնօրեն է նշանակվում Արփիկ Նիկոլայի Անտոնյանը, որ իր ղեկավարման տարիներին դպրոցը պահպանեց իր ավանդույթները: Նորացավ մանկավարժական կազմը:  Արփիկ Նիկոլայևնան ղեկավարեց դպրոցը մինչև 1966թ.

 

 1966-1973թ.թ. Խուբլարյան  Միլադա Սենիկովնա 

ռուսաց լեզվի եւ գրականության ուսուցիչ


1966թ.-1973թ. դպրոցի տնօրենի պաշտոնը ստանձնեց Մելադա Սենիկի Խուբլարյանը: Նրա ղեկավարման տարիներին դպրոցը շարունակում էր քայլել ավանգարդում՝ մնալով հանրապետության լավագույն դպրոցներից մեկը: Իսկ դպրոցի շրջանավարտները լրացնում էին քաղաքային ինտելիգենցիայի շարքերը՝ զբաղեցնելով բարձր պաշտոններ:

 

 1973-1991թ.թ. Բեգլարյան Ալբերտ Միխայլովիչ

Ֆիզիկայի ուսուցիչ


1973թ. տնօրեն է նշանակվում ֆիզիկայի երիտասարդ ուսուցիչ Ալբերտ Միխայիլի Բեգլարյանը: Նրա պաշտոնավարման տարիներին դպրոցն առանձնահատուկ թափ է առնում:  Հաջողությունների գաղտնիքը մեթոդական նոր մոտեցումներն էին: Այդ տարիներին նաև դպրոցը հիմնովին վերանորոգվեց, կառուցվեցին տարրական և հիմնական դպրոցների մասնաշենքերը: Դպրոցը նորացվեց նաև  երիտասարդ մանկավարժներով, որոնցից շատերը մինչ օրս դպրոցի հաջողությունների գրավականն են:

  1991-2013թ.թ. Մատղաշյան Մարիետա Վազգենովնա

ՀՀ վաստակավոր մանկավարժ,

 ռուսաց լեզվի եւ գրականության ուսուցիչ


 

 1992թ. դպրոցի յոթերորդ տնօրեն նշանակվեց դպրոցի ուսմասվար, ռուսաց լեզվի և գրականության ուսուցիչ Մարիետա Վազգենի Մատղաշյանը: Նորանշանակ տնօրենը, հաղթահարելով ժամանակի բոլոր դժվարությունները, կարողացավ էքստրեմալ պայմաններում ոչ միայն պահպանել  տասնամյակների ընթացքում կերտված դպրոցը, այլև  սկիզբ է դրել նոր ավանդույթների ու մոտեցումների:   Նրա արժանիքները գնահատվել են  ոչ  միայն  մեր  Հանրապետությունում,  այլև նրա  սահմաններից  դուրս:   Մ. Մատղաշյանն   ունի վաստակավոր մանկավարժի կոչում, նա  ՌԴ Բնագիտական Ակադեմիայի դոկտոր է և արժանացել է ՌԴ նախագահի պատվավոր ոսկե մեդալի, նաև <<Ա. Շվեյցերի>> անվան  մեդալին:


 

 

Top